విధి చేయు వింతలన్నీ.....

చిత్రం : మరో చరిత్ర (1978)
రచన : ఆచార్య ఆత్రేయ
స్వర కర్త : M.S. విశ్వనాథన్
గాయకి : వాణీ జైరాం
రాగం: ?


విధి చేయు వింతలన్నీ, మతిలేని చేష్టలేనని
విరహాన వేగిపోయి, విలపించే కథలు ఎన్నో
విధిచేయు వింతలన్నీ, మతిలేని చేష్టలేనని
విరహాన వేగిపోయి, విలపించే కథలు ఎన్నో
విలపించే కథలు ఎన్నో

ఎదురు చూపులో ఎదను పిండగ, ఏళ్ళు గడిపెను శకుంతల
విరహ బాధను మరచిపోవగా, నిదుర పోయెను ఊర్మిళ
అనురాగమే నిజమని, మనసొకటి దాని రుజువని
తుది జయము ప్రేమదేనని, బలియైనవి బ్రతుకులెన్నో

విధిచేయు వింతలన్నీ

వలచి గెలిచి కలలు పండిన జంట లేదీ ఇలలో
కులము, మతము, ధనము, బలము, గొంతు కోసెను తుదిలో
అది నేడు జరుగరాదని, ఎడబాసి వేచినాము
మన గాధ యువతరాలకు, కావాలి మరో చరిత్ర
కావాలి మరో చరిత్ర

* * *