లిపిలేని కంటి బాస.....

చిత్రం : శ్రీ వారికీ ప్రేమలేఖ (1984)

రచన : వేటూరి

స్వరకర్త : రమేష్ నాయుడు

గాయకులు : బాలు, జానకి

రాగం : రేవతి

లిపిలేని కంటి బాస, తెలిపింది చిలిపి ఆశ

నీ కన్నుల కాటుక లేఖలలో

నీ సొగసుల కవితా రేఖలలో

ఇలా, ఇలా, చదవని, నీ లేఖని, ప్రణయ లేఖని

బదులైన లేని లేఖ, బతుకైన ప్రేమ లేఖ

నీ కౌగిట బిగిసిన శ్వాసలతో, నీ కవితలు నేర్పిన ప్రాసలతో

ఇలా, ఇలా, వ్రాయని నా లేఖని, ప్రణయ లేఖని

లిపిలేని కంటి బాస, తెలిసింది చిలిపి ఆశ

అమావాస్య నిశిలో, కోటి తారలున్న ఆకాశం

వెదుకుతు ఉంది, వేదన తానై, విదియ నాటి జాబిలి కోసం

వెలుగు నీడలేన్నున్నా, వెలగలేని ఆకాశం

ఎదుగుతు ఉంది, వెన్నెల తానై, ఒక్కనాటి పున్నమి కోసం

లిపిలేని కంటి బాస, తెలిసింది చిలిపి ఆశ

అక్షరాల నీడలలో, నీ జాడలు చూచుకుని

ఆ పదాల అల్లికలో నీ పెదవులు  అద్దుకుని

నీ కంటికి పాపను నేనై, నీ ఇంటికి వాకిలి నేనై

గడప దాట లేక, నన్నే గడియ వేసుకున్నాను

గడియైనా నీవులేక గడపలేక ఉన్నాను

బదులైన లేని లేఖ, బ్రతుకైనా ప్రేమ లేఖ

నీ కౌగిట బిగిసిన శ్వాసలతో, నీ కవితలు నేర్పిన ప్రాసలతో

ఇలా, ఇలా, వ్రాయని నా లేఖని, ప్రణయ లేఖని

లిపిలేని కంటి బాస, తెలిపింది చిలిపి ఆశ

* * *