చిన్నారి స్నేహమా! చిరునామా తీసుకో ...

చిత్రం :  చిన్నారి స్నేహం (1989)
రచన : వేటూరి
స్వరరచన : చక్రవర్తి
గాయకులు : బాలు, సుశీల, etc.,
రాగం : ???

పల్లవి :

చిన్నారి స్నేహమా! చిరునామా తీసుకో
గతమైన జీవితం, కథగానే రాసుకో

మనసైతే మళ్ళీ చదువుకో
మరుజన్మకైనా కలుసుకో

ఏనాటికేమౌతున్నా, ఏ గూడు నీదౌవుతున్నా
హాయిగానే ఆడుకో

చిన్నారి స్నేహమా చిరునామా తీసుకో
గతమైన జీవితం కథగానే రాసుకో

చరణం-1 :

జీవితం నీ కోసం, స్వాగతం పలికింది
ఆశలే వెలిగించి, హారతులు ఇస్తుంది

ఆకాశమంత ఆలయం, నీకోసం కట్టుకుంది
కళ్యాణ తోరణాలుగా, నీ బ్రతుకే మార్చుతుంది

స్నేహం పెంచుకుంటుంది, ప్రేమే పంచమంటుంది
కాలం కరిగి పోతుంటే, కలగా చెదిరిపోతుంది

మాసిపోని గాయమల్లే, గుండెలోనే ఉంటుంది


పల్లవి :

చిన్నారి స్నేహమా! చిరునామా తీసుకో
గతమైన జీవితం, కథగానే రాసుకో

చరణం-2 :

ఆశయం కావాలి, ఆశలే తీరాలి
మనిషిలో దేవుణ్ణి, మనసుతో గెలవాలి

అందాల జీవితానికో అనుబంధం చూసుకో
అనురాగమైన లోకమే నీ సొంతం చేసుకో

లోకం చీకటౌతున్నా, బ్రతుకే భారమౌతున్నా
మనసే జ్యోతి కావాలి, మనిషే వెలుగు చూపాలి

మరో ప్రపంచ మానవుడిగా ముందు దారి చూడాలి


పల్లవి :

చిన్నారి స్నేహమా! చిరునామా తీసుకో
గతమైన జీవితం, కథగానే రాసుకో

మనసైతే మళ్ళీ చదువుకో
మరుజన్మకైనా కలుసుకో

ఏనాటికేమౌతున్నా, ఏ గూడు నీదౌవుతున్నా
హాయిగానే ఆడుకో

చిన్నారి స్నేహమా! చిరునామా తీసుకో
గతమైన జీవితం, కథగానే రాసుకో

* * *