నీ కౌగిలిలో.....

చిత్రం : కార్తీక దీపం (1979)
రచన : గోపి
సంగీతం : సత్యం
గాయకులు : బాలు, జానకి
రాగం : కానడ

పల్లవి :


నీ కౌగిలిలో తల దాచి
నీ చేతులలో కనుమూసి
జన్మ జన్మకు జతగా మసలే
వరమే నన్ను పొందని

నీ కౌగిలిలో తల దాచి

చరణం-1 :


చల్లగ తాకే పాల వెన్నెల, నా మనసేదో వివరించు
అల్లరి చేసే ఓ చిరుగాలి, నా కోరికలే వినిపించు
నా కోవెలలో, స్వామివి నీవై
మనసే దివ్వెగా వెలిగించు

          నీ కౌగిలిలో తల దాచి 

          నీ చేతులలో కనుమూసి

          జన్మ జన్మకు జతగా మసలే

          వరమే నన్ను పొందని

          నీ కౌగిలిలో తల దాచి 

చరణం-2 :

నింగి సాక్షి, నేల సాక్షి, నిను వలచిన నా మనసే సాక్షి

మనసులోన, మనుగడ లోన, నాలో నీవే సగపాలు

వేడుకలోను, వేదనలోను, పాలు  తేనెగా ఉందాము

          నీ కౌగిలిలో తల దాచి 

          నీ చేతులలో కనుమూసి

          జన్మ జన్మకు జతగా మసలే

          వరమే నన్ను పొందని

          నీ కౌగిలిలో తల దాచి 

* * *